Сүтті мал шаруашылығы үшін несие көлемі ұлғайды

«Ауыл шаруашылығын қаржылай қолдау қоры» жүзеге асырып жатқан «Ырыс» бағдарламасы бойынша сүтті мал шаруашылығымен айналысатын отбасылық шаруа қожалықтары 155 млн теңгеге дейін несие ала алады.. Ақпан айында Қор «Ырыс» бағдарламасы бойынша несиелендіру шарттарын өзгертуге шешім қабылдады.– Әлеуетті қарыз алушы ала алатын сома 85 миллионнан 155 миллион теңгеге дейін көтерілді, – дейді «Ауыл шаруашылығын қаржылай қолдау қоры» АҚ несие департаментінің директоры Геррард Бааль. – Сонымен қатар, несие мерзімі 12 жылға дейін ұзартылды, бұрын несиелер 10 жылға берілетін. Мал, техника мен жабдықты сатып алу бойынша пайыздық мөлшерлеме мемлекеттік субсидияны есептегенде жылдық 6 % құрайды. Тиімді мөлшерлеме жылына 6,4 %-дан басталады.

Бұдан басқа, «Ырыс» бағдарламасының кепілдікпен қамту талаптары өзгерді. Бұрын кепілдікке жылжымалы немесе жылжымайтын мүлкі қойылатын болса, қазір кепілге болашақта несие қаржысына сатып алынатын мүлік – мал, техника, құрал-жабдықтар алынады.Кепілдік құрылымы келесідей болуы мүмкін: 25 %-на дейін қолданыстағы жылжымайтын мүлік ұсынылуы тиіс. Қалғаны – несиелік қаражаттан сатып алатын мүлікпен қамтамасыз етілуі мүмкін.

Бағдарлама басталғаннан бері Қор 114  отбасылық тауарлы сүт фермасын құру және кеңейтуге 4,4 миллиард теңге бағыттады. Несиелік қаражаттың көмегімен сүт бағытындағы 8 703 мал басы сатып алынды.«Ырыс» бағдарламасы бойынша кеңес алу үшін облыс орталықтарында, сондай-ақ Астана, Алматы және Семей қалаларында орналасқан «Ауыл шаруашылығын қаржылай қолдау қорының» филиалдары мамандарымен байланысу қажет. Сонымен қатар, 8 800 080 3505 тікелей желі бойынша қоңырау шалу арқылы алдын-ала кеңес ала аласыз (Қазақстан бойынша қоңырау тегін). Қосымша ақпаратты www.kazagro.kz/web/fond сайтынан алуға болады.

Ulus-aqparat

Пікір үстеу

Э-пошта мекенжайыңыз жарияланбайды. Міндетті өрістер * таңбаланған