Астық өнімін болжау бойынша жаңа әдістеме жасалады

Мәскеуде Еуразиялық экономикалық одақтың ауылшаруашылық саясаты жөніндегі Кеңесінің алғашқы отырысы өтті. Шара барысында Қазақстан тарабының ұсынысымен Еуразиялық экономикалық комиссия ауыл-шаруашылығындағы өндіріс көлемін болжау үшін жаңа әдістеме жасауды қолға алды. Бұл туралы Қазақстан Республикасының Ресей Федерациясындағы елшілігінің ресми сайтында мәлімделген болатын.

Сондай-ақ, тауар қозғалысын бақылайтын логистикалық цифрлық платформалар Бірыңғай ақпарат жүйесінің негізінде құрылмайтын болды. Еліміздің ауылшаруашылық министрлігі бұл мақсатта ұлттық ақпарат-логистикалық жүйелерінің бірлесіп жұмыс істеуін ұсынған.

Сонымен қатар, министрлік өкілдері Еуроодақтан импортталатын гербицидтерге баж салығын енгізуге қарсы шықты.

“Президентіміздің бастамасымен Еуразиялық экономикалық одақ құрылғанда экономикалық прагматизм әдістемесі қабылданған болатын. Яғни елдеріміз үшін Одақта, оның ішінде ауыл шаруашылық саласында жұмыс істеу тиімді болуы тиіс”, – деді ҚР ауыл шаруашылығы вице-министрі Гүлмира Исаева.

 

Пікір үстеу

Э-пошта мекенжайыңыз жарияланбайды. Міндетті өрістер * таңбаланған