Орталық Азияда тұрғындары алкогольді ең көп ішетін елдердің көшін Қазақстан бастап отыр.

Бұл туралы «Дүниежүзілік денсаулық сақтау ұйымы» «Саулықтың әлемдік статистикасы» атты баяндамада жария етті деп хабарлайды CA-News.org.

Ал Еуропа аймағына қатысты елдер арасында Қазақстан 19-орында тұр. Мұнда бір адам жылына орташа 8,7 литр ішімдік ішеді.

Ең аз «ішетін» елдер қатарында Түркия – 1,9 литр, Македония 2,8 литр және Тәжікстан бар (2,9 литр).

Орталық Азиядағы өзге елдердің көрсеткіші мынадай: Өзбекстан – 5,1 литр, Қырғызстан мен Түрікменстан – 5,5 литр, Моңғолия – 7,8 литр.

Еуропада ішімдік ішу жөнінен лидер – Литва. Мұнда өткен жылы әр адам жылына орташа 16 литр арақ-шарап ішкен. Екінші орында Беларусь (15 литр), ал 3-орында Латвия (13 литр) тұр. Ресей мен Польша бұл көрсеткіш бойынша 4-орында (12 литр).

ДДҰ өкілінің айтуынша, ішімдікпен күрес мәселесіндегі ең тиімді шешімдер – оған қолжетімдікті шектеу, жарнамасына тыйым салу және баға саясатын реттеу. Ішімдікті көп ішетін елдерде арақ-шарап тиісінше қолжетімді.

Аймақтар бойынша, ішімдікпен күрес мәселесі Батыс Еуропада жақсы нәтиже беруде. Одан кейін – Шығыс Еуропа. Ал ТМД елдерінде бұл мәселе қиын күйінде қалып отыр.

Пікір жазыңыз